Texas-a India mi zirlai kap hlumtu man

Hyderabad aṭanga Texas, US-a pem, Pole Chandrashekar chu Fort Worth gas station-a part-time hna a thawhna hmunah silaiin kum 23 Richard Florez North Richland Hills, Texas a cheng chuan Zirtawpni liam ta khan a kap hlum a, a kaptu hi police lam hian an man zui nghal a ni.

Pole hian US-a a pem hma hian Bachelor of Dental Surgery a zo a, US-ah hian Data Analytics-ah Master degree chu Denton-a University of North Texas-ah a zo leh bawk. Amah inchawmna tur hian gas station-ah part-time-ah inhlawhin a hnathawhna hmunah beihna hi a tawk zui niin Fort Worth Police Officer Brad Perez chuan a sawi.

Pawi khawihtu hian lirthei aṭanga kapin a chesual zui a, damdawi-inah enkawl mek niin tualthah thubuai siamsak lawilawk a ni rih. US-ah hian shutdown kalpui mek a nih avangin mumal taka chhui chianna kalpui theih a la ni lo a; Indian Consulate lam erawh chuan Pole chhungte nen hian an inbe pawp reng niin an tarlang.

Tualthahna thleng hi tun hnaia India mi US-a awmten tharum thawhna vanga harsatna an tawh tharlam ber niin, hei vang hian US-a India mi zirlai awm leh, zan reia hnathawk bakah high-risk job thawktute chuan an himna tur atana hmalakna neih a ṭul hle niin a tarlang zui a ni.