Keir Starmer-a'n India-a rawn thleng

Britain prime minister Keir Starmer chu nimin khan ni hnih cham turin India a rawn thleng a, vawiin hian prime minister Narendra Modi nen an inkawm ang. Starmer hi sumdawng lian hruaitu eng emaw zatin an rawn zui a, India–U.K. Comprehensive Economic and Trade Agreement (CETA) chungchanga thawh dunna tur hrang hrang sawi ho tum a ni.

Starmer hian nimin vek khan Maharashtra-a project hrang hrang a hawng nghal a, a hawn zingah hian Navi Mumbai Airport leh Mumbai Metro-3 an tel. Jio World Centre Mumbai-a CEO Forum-ah a tel nghal dawn a,PM Modi nen Global Fintech Fest vawi rukna an hman pui bawk ang.

India rama Starmer cham chhung hian PM pahnihte hian hmasawnna tur hrang hrang sawiin, India-UK Comprehensive Strategic Partnership chungchang an sawi dawn a, thawh dunna tur tih hmasawnna tur ruangam duan te an thlir dun ang. Ram pahnih thawh dunna turah hian investment, sumdawnna, technology leh innovation, defence leh security, sik leh sa, energy, health, education, leh mihring in pawh tawnna ṭha chungchang neih dan turte thlurbing a ni dawn tih PMO thuchhuah chuan tarlang.