Kerala kohhranin sum nei lote ṭanpui

Sorkar laipuiin Rs 500 leh Rs 1,000 note a tih thih avangin mipuiten kawng hrang hrangin harsatna an tawk mek a, hei vang hian Kerala-a kohhran pakhat chuan sum lama harsatna tawk mekte ṭanpuina tur a siam.

Ernakulam district-a St Martin De Porres kohhran chuan nimin khan thuchhuah siamin, an sum dahkhawmna bawm chu sum mamawh hmanhmawh te tan an hawnsak reng dawn tih an sawi a, phut let engmah an nei lo tih an sawi bawk.

Kohhran hruaitu, Jimmy Poochakkatt chuan, ìKan kohhranah hian chhungkaw 200 vel kan awm a, heng zinga a tam zawk chu bank account nei lo leh ATM hman dan pawh thiam lo an ni. Sorkarin pawisa note a tih thih avang hian an zinga tam tak hian an nitin khawsakna atana mamawh leina thlengin harsatna an tawk a niî a ti.

Kohhranin pawisa a dahkhawmna bawm aṭang hian an mamawh ang zat an la thei dawn a, an sum lak chu an theih hun hunah an rul mai dawn a ni. Church Committee Youth Wing Convenor Shelson Francis chuan, ìTu nge bawm aṭanga pawisa la chhuak kan chhinchhiah chuang lo. Bawmah hian Rs 10 leh Rs 50 note-te dah a ni tlangpui a, hengte hi an tan a
ṭangkai em em a niî a ti. Sum bawm hi dan pangngai chuan thla ruk danah an hawng chauh ṭhin.