UP CM-in emergency service lian ber a hawng

Uttar Pradesh Chief Minister Akhilesh Yadav chuan nimin khan khawvela 24/7 emergency service lian ber tur, UP-100 a hawng.

UP-100 hi Uttar Pradesh Police Emergency Management System official name a ni a, he service-in high-tech centralized emergency system a hman hmang hian police-te chuan complaint thehluttu awmna hmun chu minute 15-20 chhungin an thleng thei dawn a ni. UP-100 hi state sorkarin state mipuite himna tura emergency service a buatsaih a ni a, state chhunga district 11-ah nizan aṭang khan hman ṭan nghal a ni a, district dangah pawh hman theih thuai a ni ang. He project atan hian state sorkar chuan cheng vaibelchhe 2,200 a ruahman a ni.