Kashmir-ah nunphung a pangngai ṭan

Jammu and Kashmir-ah chuan July 8 aṭanga tualchhung buaina chhuak avanga, Kashmir Valley-a mipuiten harsatna an tawh chu a ziaawm ṭan.

Ni 132 zet nunphung pang≠ngai anga an awm theih loh hnuah Inrinni aṭang khan mipui khawsak pawh a pangngai leh ṭan a ni. Kar kalta kartawpa inlakhran duhtuten kawng zawh an tum chu an ṭhulh avangin boruak pawh a muanawm chho zel nia sawi a ni. Tualchhung buaina chhuak vang hian mi 91 zetin nunna an chan hman a ni.

Inlakhran duhtu pawl hruaitu Syed Ali Geelani, Mirwaiz Umar Farood leh Yasin Malik-te chuan civil society, senior citizen, lawyer leh sakhaw pawl hrang hrang hotute an kawm hnuah nawrh huaihawt an tum hi an ṭhulh a ni. Nawrh huaihawt ṭhulh a nih tak avang hian Inrinni khan mi tam tak chu pawnah an chhuak a ni. Kar kalta Zirtawpni zan aṭang khan thla li chuang zet tihtawp lailawk tawh, post paid number-a mobile internet service pawh pek chhuah a ni a, mahse pre paid number-ah erawh chuan tihtawp a la ni.