UK leh France-ah Karti Chidambaram zin phalsak

Supreme Court chuan Enfor­cement Directorate leh Central Bureau of Investigation-in a thubuai an chhui mek Karti Chidambaram chu UK leh France-ah a zin a phalsak.

SC hian Chidambaram hi tennis tournament a en an phalsak a ni.

Chief Justice S A Bobde kaih­hruai bench chuan February 14 leh 28 inkarah Karti Chidambaram hi a zin a phalsak. A hma pawhin Congress hruaitu hlun P Chidam­baram fapa, Karti hi SC secretary general hnenah cheng vaibelchhe 10 dahkhama ram pawna a zin a lo phalsak tawh bawk.

INX media thubuai a hma­chhawn mekah hian Foreign Investment Promotion Board kaih­hnawih a awm bawk a, cheng vaibelchhe 305 vel chu a pa finance minister lai khan a khawih chingpen nia puh a ni.