Congress party-in Punjab-ah smartphone sem a tiam

Congress Party chuan state assembly inthlan hmabak, Punjab state-ah sorkarna an siam a nih chuan ṭhalaite tan smartphone nuai 50 sem a tiam.

Punjab Congress hotu Amarinder Singh chuan Pathianni khan Chandigarh-ah ëCaptain Smart Connectí programme a hawng a, inthlanaah an party chu sorkar siam thei tura an chak a nih chuan Congress sorkar lakluh a nih aṭanga ni 100 chhungin, he programme hnuaia in ziak lut ṭhalaite chuan smartphone an dawng dawn tih a sawi.

ëCaptain Smart Connectí programme atan hian kum khatah cheng vaibelchhe 300-400 vel a ngai dawn a, hei hi state budget aṭangin siam rem a ni dawn a, he programme hi ṭhalaite ham-
ṭhatna tur ngaihtuaha siam an nih thu Singh chuan a sawi.

Singh chuan Punjab state mipui hmun thuma ṭhena hmun khat chu kum 18-35 inkar an ni tih a sawi a, hna thawh tur awmlo avangin ṭhalai tam tak chuan ruihhlo an tih bakah harsatna dangte an neih phah a ni, a ti. Punjab hi ramchhunga
ṭhalai kum 15-29 inkar hna nei lo tamna ber a nih thu a sawi bawk.

Congress party-in scheme a duan hi Punjab-a cheng, Class 10 pass chin leh kum khata chhung≠kaw sum lakluh cheng nuai ruk tling lote tan a nih thu a sawi.