Rahul Gandhi-a’n ATM tlawh kual

Congress vice president Rahul Gandhi chuan nimin zing khan Delhi khawpui chhunga ATM eng emaw zat tlawh kualin, pawisa note tih thih a nih avanga mipuiten harsatna an tawh hrang hrangte a ngaihthlak sak.

Kar hmasa khan Rahul Gandhi hian Mumbai-a Vakola-ah ATM tlawhin, pawisa lak tuma mipui intlarte chu a lo kawm tawh bawk.

Congress hruaitu hian nimina Parliament inkhawm a kal hmain Anand Parbat, Zakhira, Inderlok leh Jahangirpuri-ah te ATM a tlawh leh bawk a ni. Rahul Gandhi chuan pawisa note tih thih avanga mipui nawlpuite chunga harsatna nasa tak thlenah sorkar puhin, Prime Minister Narendra Modi chu na takin a lo sawisel tawh. Mipuiten pawisa lachhuak tura hrehawm taka bank kawta hun rei tak an intlar a ngaih laiin, an harsatna leh manganna te chu PM chuan a hriatpui duh lo a ni, a ti.