Sipaite chu hmelmate kaphlum tura hriattir an ni: Parrikar

Defence Minister Manohar Parrikar chuan, Kahsmir-a sipaite chu firfiakten an beih a, an martar hmain hmelma ralthuam kengte chu kap turin thuneihna pek an ni, a ti.

Pathianni tlaia Vasco-a BJP rally-a thu a sawinaah Parrikar chuan he thu hi a sawichhuak a, ìDefence Minister atana lakluh ka nih khan, sipaite hnena ka hrilh hmasak ber chu machine gun emaw pistol emaw keng in hmuh chuan, chibai buk tuma rawn kal tur an ni lo tih hre rawh u ka ti a ni. In martar hmain hmelmate chu nuaibo zawk rawh u tiin ka hrilh a niî a ti.

Kashmir-ah sipaite chu firfiakte nen an inbei fo a, Congress sorkar khan firfiakten an kap hmasa a nih loh chuan kap lo turin a hrilh a ni tiin, Prime Minister Narendra Modi-a kaihhruai sorkar a din hnuah sipaite dinhmun pawh nasa taka chawikan a nih thu a sawi. ìTunah chuan kan sipaiten anmahni beitute kap let turin Defence Ministry phalna an dil kher a ngai tawh lo. Hmelmate bei let turin thuneihna an neih tawh a niî tiin, Defence Ministry hnathawh dan hrethiam tur chuan thla 6-8 vel zet hun a hmang tih a sawi bawk.