Odisha Bank aṭangin Rs vbch 1.15 ru

Odisha-a Dhenkanal bank aṭangin kar kalta tawp lam khan cheng vaibelchhe 1.15 rukchhuah a ni a, pawisa rukte hi pawisa note thi, Rs 500 leh Rs 1,000 note vek a ni.

Odisha Gramya Bank hi ni hnih chhung khar a nih hnuah Thawhṭanni khan hawn a ni a, bank hawn ni hian official-te chuan strong room kawngkhar chu tihchhiat leh, a chhunga pawisa dahna bawm inhawng an hmu a ni. Police-te chuan he thil hi hnathawktu zing a mi tih nia a lan thu an sawi.

Bank-ah hian cheng vaibelchhe 8.85 an kawl mek a, heng pawisate hi pawisa note hlui niin box pali-ah dah a ni.

Bank hian an pawisa fai kawl hi Bhubaneswar-a an main office-a thawn tura a dah a ni. Venthawn thilah bank branch-te chu pawisa tam tham kawl phalsak an ni lo a, an lo kawl a nih pawhin venhimna pe turin police-te hriattir tura tih an ni. Mahse police-te chuan Gramya Bank hian engmah a hriattir lo niin an sawi. He bank vek hi kum thum kalta khan rawk a ni tawh a, cheng nuai thum an la a ni. Bank rawktute hi tun thlengin man an la ni lo.

Thawhṭanni khan Kashmir-a bank pakhat chu mi pali-ten an rawk bawk a, cheng nuai 13 an la.