Hlawhtling takin Agni-I ballistic missile enchhin

India ramchhunga siam, nuclear ral≠thuam phur thei Agni-I ballistic missile chu nimin khan hlawhtling taka enchhin a ni.

Km 700 chin kap thei, surface-to-surface Agni-I ballistic missile hi Odisha-a Abdul Kalam Island (Wheeler Island)-a Integrated Test Range (ITR) launch pad-4 aṭangin nimin zing dar 10.10 khan kahchhuah a ni.

Agni-I missile hi navigation sytem ṭha tak nena thuam a niṭ a, sipaite hman tura pek a ni tawh. Ton 12-a rit niin, metere 15-a sei a ni a, ton khat aia rit phur thei tura duan a ni. A kah hlat theih zawng hi a payload a zirin a la tihthui theih a ni. March 14 khan Agni-I hi Odisha aṭang vek hian hlawhtling taka enchhin a lo ni tawh a, Thawhṭanni khan Prithvi-II missile pahnih chu enchhin a lo ni tawh bawk.

Defence lam chuan Agni-I hi a ṭul dan leh a hun a zirin road leh rail mobile launcher aṭanga kahchhuah theih a nih thu an sawi. Angi-I hi DRDO missile development lab, Advanced System Laboratory (ASL)-ah Defence Research Development Laboratory (DRDL), Research Centre Imarat (RCI) leh Bharat Dynamics Limited, Hyderabad-teín an siam a ni.