Starmer leh Modi-te inkawm

Prime minister Narendra Modi leh ni hnih cham tura India rama rawn zin, Britain prime minister Keir Starmer-te chu nimn khan New Delhi-ah an inkawm. Hruaitu pahnihte hian trade, defence, security leh technology lamah India-UK thawh dunna tihchak leh huang zauh dan turte an sawi dun a ni. .

India leh UK hian insumdawn tawnna kawnga inremna chu thla hnih leh a chanve liam ta khan an lo ziak tawh a, an inremna siamah hian chhiah lak tihhniamna turte telh niin, kum 2030-ah ram pahnihte insumdawnna hi a leta a pun theih an beisei. He inremna siam hi Brexit hnuain ram dang inremna an siampui lian ber niin Starmer chuan a sawi.

Nimina ram pahnih prime minister-ten meeting an neihah hian an thawh dunna, Comprehensive Economic Trade Agreement (CETA) thuam chakna turin inremna an siam a, hei bakah UK-in India rama missile a supply-na tur, £mtd 350 hu contract an ziak bawk.

Starmer-a'n India a rawn thlen hnu, Nilaini khan British Film Institute (BFI) chuan National Film Development Corporation (NFDC) chu inremna an lo siampui tawh bawk a ni.