SCBA-in CJI vawmtu lawyer Kishore member nihna titawp

Supreme Court Bar Association (SCBA) chuan nimin khan an member, advocate Rakesh Kishore chu chief justice of India D.Y BR Gavai a pheikhawka a vawm avangin member a nihna an tihtawp sak, Bar Council of India pawhin a licence a hlihsak nghal bawk.

Kum 72 mi, lawyer Kishore hian Thawhṭanni khan Supreme Court-a Hindu pathian, lord Vishnu lu bung siamṭha tura ngenna siam chungchang ngaihtuahnaah, CJI in a chhan dan avanga lungawi loin pheikhawkin a vawm a ni. Hemi hnu hian secuirty mi leh sate chuan an hruai chhuak nghal a ni. CJI hian an pathian lu bung siamṭhat ngenna chu pathian hnenah chuan a lu chu amaha invuah turin hrilh leh mai rawh se, tiin a chhang a ni. Kishore chuan Sanatan Dharma hmuhsitna chu a tuar thei lo tih sawiin, rorel laiin CJI hi pheikhawkin a vawm ta a ni.

SCBA chuan Kishore chet dan chu court rorelna zah lohna lian tak a ni tiin, Supreme Court zahawmna tibawrhbanna a ni, a ti. CJI a beih avang hian Bengaluru-a Vidhana Soudha Police Station-ah All India Advocates Association hmingin Kishore lakah FIR theh luh a ni bawk. Mahse, a thubuai hi Tilak Marg Police Station, New Delhi-ah hlan chhawn a ni.