Sorkarin ‘Dalhan Atmanirbhar Mission’ tlangzarh dawn

India-in pulse a thar chhuah tihpun a, a intodelh theihna tura hmalakna tur, ‘Dalhan Atmanirbhar Mission’ chu sorkarin a tlangzarh dawn. ‘Dalhan Atmanirbhar Mission’ hi prime minister Narendra Modi chuan a tlangzarh dawn a, he mission kaltlang hian kum nga chhungin pulse thar chhuah tihpun tum a ni.

Pulse thar chhuah kawngah India hi tun dinhmunah tlahniam mah se, khawvela thar tam ber, ei tam ber, leh chaw lut tam ber a la ni pha tho. Tun hnai kum li chhung khan a thar chhuah zat hi a tlahniam nasa hle a, a chawkluh a tipung a ni. Hei hian ram chhunga thar chhuah man a nghawng a, hei vang hian loneitute chuan pulse chin kawngah hma lak an hreh phah nia ngaih a ni bawk.

‘Dalhan Atmanirbhar Mission’ kaltlang hian pulse thar chhuah tihpunna turin loneitute hnenah thlai chi ṭha bik quintal maktaduai 12.6 sem chhuah a ni dawn a, hei hian pulse thar chu quital mtd 24 aṭangin quintal mtd 35-ah a kaisan tir theih beisei a ni. Mission atan hian sorkar chuan budget Rs vbc 11,440 a ruahman a ni.

Sorkar chuan district thlan bik 416-ah pulse thar tihtamna tur scheme chawilar a tum a, scheme-te hi Prime Minister Dhan Dhanya Scheme hnuaiah kalpui tum a ni. Hmalakna hian department 12 hnuaia scheme 36 a huam ang.