India-in Egypt-a Gaza summit chhim tur minister tir

Sorkar laipui chuan nimin, Thawṭannia Sharm el Sheikh, Egypt-a Peace Summit on Gaza neihah India aiawh turin minister of state for external affairs Kirti Vardan Singh a tir. Gaza chungchang ngaihtuaha summit buatsaih hi Egypt leh US president-ten an kaihruai a ni.

Summit neihah tel tur hian prime minister Narendra Modi pawh sawm a ni a, mah se aiawh turin Singh hi a kal ta zawk a ni. PM Modi chuan Inrinni liamta khan Egypt ambassador Kamel Galal kaltlanga sawmna hi a lo hnawl a, mahse, karleh lamah Egypt foreign minister Badr Abdelatty nen Delhi-ah India-Egypt Strategic Dialogue an nei dawn thung.

Abdelatty-a'n India a rawn tlawh tur hi Sisi-Modi Strategic Partnership Agreement, kum 2023 January a ziah tawh tihhlawhtlinna tur niin kum 2024 hnua India a rawn tlawh hmasak lehna ber tur a ni. Abdelatty hian India tlawh a tum hi ṭum li ngawt Gaza buaina vang hian a lo ṭhulh tawh a ni.