IAF leh UK-in Indian Ocean-ah nunchan zir hona nei

India Air Force(IAF) leh UK Carrier Strike Group (CSG) thawk dun chuan Thawhlehni khan Indian Ocean huam chhungah high-intensity joint exercise, thlawhtheihna hmanga nunchan zir hona an nei.

Nunchan zir hona hian ram pahnih sipaite thawh dunna, inrin tawnna, operation kalpui dun theihna siam chu a tum niin, ramri venhim leh ngelnghet siam kawma an inpekna tilang tu a nih thu official chuan nimin khan an tarlang.

Joint exercise-ah hian IAF-in thlawhtheihna Sukoi-30 MKIs, Jaguars, AWACS, leh AEW&C-te an thawh chhuahpui a, UK hian HMS Prince of Wales, thlawhtheihna phur thei lawnglian leh Royal Navy F-35B fighter jet an thawhchhuahpui bawk. Van boruaka indona atana nunchan zirna kalpui a nih hma hian Indian Navy leh Royal Navy-te chuan tuipuiah nunchan zirna, KONKAN 25 chu October 8 khan an lo kalpui tawh bawk. Tuipuia thawh hona kalpuiah hian anti-air, anti-surface, leh anti-submarine warfare chungchang thlurbing niin tuihnuai aṭanga inbeihdante zir ho a ni bawk.