CBI-in Operation Chakra-V kaltlangin mi 3 man

Central Bureau of Investigation (CBI) chuan Thawhlehni khan Indian Cybercrime Coordination Centre(I4C) aṭanga an thudawn bawhzuiin; ram chhung hmun hrang hrangah cyber kaltlanga bumna dap chhuah beihpui 'Operation Chakra-V' an kalpui a, mi pathum an man. Dap chhuah beihpui hi Tamil Nadu, Karnataka, leh Kerala-ahte neih niin inbumna kaihhnawih hmanraw hrang hrang man a ni bawk.

Cyber kaltlanga inbumna hrang hrang vang hian pawisawi lo tam takin bum an tawk a, sum vaibelchhe tam tak tihchingpen a ni tawh bawk. Inbumna hian ram chhung mai bakah rampawn mite thlengin a nghawng a ni. Social media platform, mobile apps, leh messaging service kaltlanga tawktarhte hmanga inbumna hi thleng ṭhin a nih thu agency chuan an tarlang.

CBI chuan an mi mante hi shell company, ram chhung hmun hrang hranga thlunzawm nei an nih bakah, hmunpui ber Bengaluru-a awm a ni tih an tarlang. Mi bum ṭhinte hian SMS campaign leh SIM box communication system hmangin, hnathawh tur lem leh pawisa pung hlawk taka dah theihna nia sawi bakah investment hmangtein mi an bum ṭhin.

Pawisate UPI, leh cryptocurrency hmangin an lakhawm ṭhin tih hmuhchhuah a ni a, a tam zawk hi cryptocurrency, gold, leh dan loa pawisa thlengna hmanga tihdanglam ṭhin a ni tih finfiah a ni. Online-a pawisa khelhna leh investment lem hmanga inbumna kalpui a nih thu CBI chuan an tarlang bawk.