J&K a hun takah state pek a ni ang : Amit Shah

Union home minister Amit Shah chuan hun rei tak chhung aṭanga ngiat tawh, Jammu and Kashmir state-a hlankai tur chungchangah, Inrinni liam ta khan 'a hun takah hlankai a ni ang", a ti. Shah chuan J&K a sorkar thlan tlin chuan kum khat tal office luah tling se an ngennate chu tihhlawhtlin a nih tur thu a sawi.

J&K chief minister Omar Abldulah-a'n Union Territory leh sorkar laipui inkara khi thuk tak awm anga a sawi chu Shah chuan chhangin,"Abdullah chuan politics nawrna vanga a sawi a ni a, mahse, state nihna chu a hun takah pek a ni leh dawn a ni. Amah(Abdullah) nena inbiakna kan neih fel hunah" a ti. Abdullah hi Ningani liamta kha CM a nih kum khatna a ni a, Supreme Court-ah a ṭul a nih chuan state-a hlangkai tura ngenna thlen a hreh loh thu a sawi a ni.

CM chuan state-a hlankai an nihna turah BJP party chuan J&K a rorelna an chan kher a ngai tih intiamna an neih loh thu sawiin, BJP chuan hetiang zawng hian an manifesto leh Parliament leh Supreme Court hmaah intiamna an siam lo, a ti. Heibakah hian kum 2015-a PDP-BJP thawk dunin J&K-a harsatna an thlen chuan tun thlengin UT hi a la nghawng buai niin a sawi bawk.

Abdullah kaihhruai National Conference party chuan assembly inthlan dawnah J&K state-a hlankai lehna tura beih intiamin, an tlin phahna nia ngaih a ni bawk. Mahse, kum khat chhung rorelna an chelh tawh chung pawha tihhlawhtlin a la ni lo chu eptu party aṭangin beihna an tawh phah a ni.