WB sorkarin Oman-a an state mi tangkhangte hruakir turin ngen

West Bengal sorkar chuan an state-a Murshidabad district aṭanga hnathawka Oman rama kal tangkhang mek mi 11-te hruai kir turin sorkar laipui a ngen.

Trinamool Congress MP leh West Bengal Migrant Welfare Board chairperson, Samirul Islam chuan heng mite hi Oman-ah hian thla 11 dawn an tangkhang tawh tih sawiin, external affairs ministry chu hma la thuai turin a ngen.

Murshidabad mi 11-te hi hna thawk turin agency kaltlanga hruai an nih hnuah, a chhawrtu agency hian an intiam ang tihlawhtling thei loin an hlawh tur pawh thla kaw chhung an pe tawh lo niin Islam chuan a sawi. Hemi hnu hian Oman-ah hian awmna tur mumal nei lo leh hawna tur nei loin an vakvai zui a, Oman-a Indian embassy chu EAM kaltlanga hriattir an nih hnuah tangkhangte hi embassy enkawlna hnuaiah an awm mek tih a tarlang.