Deepavali vangin Delhi boruak bawlhhlawh zual

Deepavali hmanna vuakvetah Delhi khawpui boruak chu nimin zing aṭang khan a bawlhhlawh zual nghal a, pollution monitoring station 38 zinga 31 chu 'very poor' ah awm nghalin station dang pathum ah 'severe' a kai bawk. 'Severe' kaina hmunte hi vawiin leh naktuk hian boruak a la chhiat chhunzawm rin a ni.

Central Pollution Control Board (CPCB) hnuaia SAMEER app-in a tarlan danin, nimin zing khan Delhi-a Air Quality Index (AQI) chu zing dar kuaah 339 niin chawhnu herah 334-ah a tla thla zui. Commission for Air Quality Management (CAQM) chuan Delhi-NCR huam chhungah Graded Response Action Plan (GRAP) Stage II hmang ṭan turin hriattirna a tichhuak zui nghal.

Supreme Court-in October 15-a Delhi-NCR huamchhunga green firecracker hman leh zawrh a phal hnuah boruak hi a bawlhhlawh zual chak hle nia sawi a ni.