GST reform chu khawvel huapa India ngelnghehna tilang tu : PM Modi

Prime minister Narendra Modi chuan Thawhṭannia Diwali puala ram mipuite tan open letter a ziah chu nimin khan tihchhuah a ni. A lehkha ziahah hian Operation Sindoor hlawhtlinna te, Left Wing Extremism (LWE) nuai bona tur te, Good and Services Tax (GST) siam ṭhatnate chu tunlai khawvel buai mek kara India dinhmun nghelngheh zia tilangtu a ni tih a tarlang.

Open letter kaltlang hian PM Modi chuan Diwali chu ram mipuite tana thil ṭha thlenna hun a nih thu leh, ram mipuite pawh ram tana mahni tih tur ṭheuh tih chu khua leh tui ṭha nihna kawng a nih thu a sawi. Ram mipuite chu "One India, Great India" siamna kawnga thawk ho turte, faina chawilar tur leh hriselnate ngai pawimawh tura a chah bakah; ei leh in aṭanga tel kan ei 10% a titlem tur leh yoga uar turin a chah bawk.

Modi chuan mipuite chu India hmathlir, mahni kea din theihna tur 'Viksit Bharat' atana theihna ṭheuh lantir turin a chah a, Diwali chuan mitina eng awm chu inti eng tawnin kan za vaia kan en chuan ral mai loin a eng zual zawk dawn a, hetiang chiah a thawh hona ṭha leh vantlang in lung rualna chu chhawm nung zel turin a chah a ni.