Trump-a thusawi vangin Congress-in sorkar dem

Congress party chuan nimin khan sorkar laipui chu ram policy pawimawh chungchang an sawilan loh, US lamin an tichhuak zawk chu an dem thu an sawi. US president Donald Trump hian India-in Russia oil lei titawp tura prime minister Narendra Modi a intiam tih a sawi hnu leh, ministry of external affairs lamin hetiang chungchang sawi a awm loh thu an sawi a palzam ngam chu mak an tih thu sawiin, sorkar laipui an dem tih Congress chuan an tarlang.

Russia aṭanga oil lei chungchangah hian Trump chuan ni nga chhungin vawi thum ngawt India-in a oil a lei tawh dawn lo niin a sawi tih Congress chuan an tarlang. Hetih lai hain MEA chuan PM Modi chuan hetiang thil engmah tiam a nei lo niin a sawi thung.

Trump hian India-in Russia aṭanga oil a lei chhunzawm chuan chhiah sang zawk lakah a vau zui leh bawk. Hemi chungchangah hian Congress chuan PM Modi chu "Mauni Baba", puithiam ngawi reng tura intiam ang chauh niin an sawi a, oil lei tihtawp chungchangah hian engmah sawi zui ngam a nei lo tiin an bei zui bawk. PM chu Trump-a hlau leh tawng ngam loah an puh a, a kaihruai sorkar chu foreign policy chungchangah a hlawhchham der a ni, an ti bawk.