Helipad siam tharah President Murmu chopper a tang

President Droupadi Murmu chuan nimin zing khan Kerala-a Sabarimala tlawh tura a kal chu Pramadom-a Rajiv Gandhi Indoor Stadium ground-a helipad siam tharah a chuanna chopper ke a tang. Mahse, a hnuah helicopter hi an nawr chhuak thei a, official-te chuan thil hlauhthawnawm a awm lo tih an sawi.

President Murmu helicopter hi Nilakkal a ṭum tura tih a ni a, mahse,ruahsur nasa leh thli tleh vangin a kawng hi thlakin Pramadon-ah hian a ṭumna hi an siam chawp a ni. A hma lawkin concrete an lo chhung a, helicopter a ṭum hian a lo la ro ṭha hman lo a, a ke hi a tang zui ta niin sawi a ni. Helicopter tang hi police, fire leh rescue service mi leh saten nawrin, an nawr chhuak a ni.

Thawhlehni khan President hian Kerala hi a thleng a, October 24 thleng a cham ang. Vawiin hian Thiruvananthapuram-a Raj Bhavan-ah president hlui K.R. Narayanan-a lim a hawng dawn a, Palai-a St. Thomas College Platinum Jubilee lawmna a hmanpui bawk ang. October 24 hian Ernakulam-a St. Teresa College centenary lawmna a hmanpui dawn bawk a ni.