Khawvela ramngaw ngah ram pakuana India

UN Food and Agriculture Organisation (FAO) in report thar a tihchhuahah, India chu khawvela ram hrang hrang zingah ram ngaw, thing leh mau in a awh tam zawngah 10-na aṭangin pakuanaah a kaisang. Hei bakah hian kumtina ramngaw pun tam lamah pathumna dinhmun a luah pha bawk.

Environment Ministry chuan prime minister Narendra Modi kaihhruaina hnuaiah India in ramngaw humhalh kawnga hmalakna a neih ṭhat vang leh, vantlang anga ram ngaw venhim kawnga hmalakna kalpui ṭhin avangin he dinhmun hi a thleng thei niin a sawi. Union environment minister Bhupender Yadav chuan hmasawnna hi hlawhtlinna lian tak tilangtu a nih thu a sawi.

Minister chuan he dinhmun hi vantlangin thing phun kan uar vang leh 'Ek Ped Ma Ke Naam' kaltlanga state sorkarte hmalakna nghawng a ni tiin, kum hmasa aia hmasawnna awm chu thil chhinchhiah tlak a ni, a ti bawk. FAO report chuan khawvel puma ram ngawin a tuam zat chu hectare tld 4.14 a zau niin khawmual 32% a awh niin a tarlang.