Andhra Pradesh bus kanga thite zângnadawmna pe dawn

Prime minister Narendra Modi chuan Ningania Kurnool district, Andhra Pradesh-a bus kang vanga thite hnenah zangnadawmna, Rs nuai 2 chu PMNRF aṭanga pek an nih tur leh, chetsualna thleng vanga hliamte pawh ṭanpuina atan Rs 50,000 pek an nih tur thu a sawi bawk. Bus kangah hian mi 19 an thih bakah mi dang eng emaw zat an hliam bawk.

Bus chetsual hun hi zing lam dar 3.30 bawr niin Hyderabad aṭanga Bengaluru pan a ni a, Chinnatekuru thingtlang khua, Kurnool district-ah bus tawk zawnga two wheeler rawn tlan nen insuin a kang zui a ni. Bus chhunga chuangte hi bus kawngkhar hawn theih loh vanga tangte niin an kanghlum niin report chuan a tarlang.

PM Modi chuan chhiatna thleng vanga nunna channa thleng chu pawi a tih thu X-ah sawiin, hliamte an dam thuai theihna tura a ṭawngṭai thu a talang bawk. Bus-ah hian khualzin 40 bawr an chuang nia tarlan a ni a, two wheeler hian bus petrol tank a tauh chhiat vanga kangmei chhuak zui ta a nih rin a ni.