Sonam Wangchuk man a nih dan panel-in ennawn

Leh administration chuan environmental activist Sonam Wangchuk, National Securitty Act(NSA) hmanga Jodhpur Central Jail-a tang mek thubuai zirchianga ennawn tur member pathum awmna advisory board a din. Panel hi judge hlui MK Hujura-an a kaihruai a ni.

Advisory board hi special constitutional body niin National Security Act (NSA) 1980 hnuaia din a ni a, mi man chungchang ennawn tura duan a ni. Board hian NSA hnuaia Wangchuk man a nih chhante an zirchiang dawn a, hetiang bawk hian a thubuai khinna pawh ngaihtuah a ni nghal ang.

Wangchuk chungthu ngaihtuah tur avang hian jail-ah pawh venhimna khauh zawka kalpui a ni a, a chungthu ngaihtuah tur zingah hian district judge Manoj Parihar leh social activist Spal Jayesh Angmo-te an tel.

Leh-ah hian thla hmasa khan BJP office kawtah state-a hlangkai tura nawrna atana lungawi lohna lantir a ni a, tharum thawhna a thlen bakah BJP office hi suasam a ni zui bawk. Hemi hnu hian Wanchuk hi man a ni a, house arrest a nih hnuin Jodhpur central jail-ah hian sawn leh a ni. Man a nih hnu pawh hian lungawi lohna lantir vangin mi pali an thih phah tawh bawk.