Bihar CM-in zu khap chungchangah all party meeting a ko

Bihar Chief Minister Nitish Kumar-a chuan an state-a zu khapna dan hman mek chungchangah nimin khan all party meeting a ko a, party hrang hrangte rawtna siamte a ngaihthlak sak.

Meeting-ah hian political party 22 aiawhte an tel a, an zinga 15-te chuan rawtna leh sawiselna an neihte an sawichhuak. Hemi hma hian CM chuan khawthlanga pawl hrang hrang 40 aiawhte chu zu khapna hman mek chungchang hi a lo sawipui tawh bawk a ni.

CM chuan an state-a zu khapna dan hman mek chu eptuten sawisel a, ëdan sakeií ti tea an sawi avangin meeting hi ko a nih thu a sawi a, party hrang hrangten an pawmtlan theih tura rawtna an neihte ngaihthlak a duh tih a sawi.

Nitish Kumar chuan political party-teín an ṭan tlan chuan zu khapna dan hman mek chu chak zawkin a kalpui theih dawn tih a sawi a, party hrang hrang aiawhte rawtna an siamte chu House-ah ngaihtuah ho tura chhawpchhuah a ni dawn tih a sawi bawk. Bihar Legisture Winter session hi naktuk
aṭang hian ṭan a ni ang.