LS Speaker-in Congress MP banna a pawm

Lok Sabha Speaker Sumitra Mahajan chuan Lok Sabha-a Congress deputy leader, Amarinder Singh-a banna thehluh chu a pawmsak.

Punjab Chief Minister hlui, Amarinder Singh hian an
ṭhenawm state-te nena Sutlej-Yamuna Link (SYL) canal tui insem chungchanga November 10-a Supreme Court thutlukna siam danah Punjab duhsak loah puhin, a lungawi lohna lantir nan hian MP a nihna aṭanga banna hi a thehlut a ni. Supreme Court thupek hi Punjab-a party hrang hrangte chuan an sawisel nasa hle a ni.

Amarinder Singh chuan an state mipuiten Sutlej lui tui an mamawh lai a, court-in
ṭhenawm state-te sem tura a tih avang hian an lungawi lo hle a, Lok Sabha member
aṭanga banna a thehlut tih a sawi. Singh hian kum 2014 Lok Sabha inthlanpuiah khan Amitsar bialah BJP hruaitu lian leh Finance Minister Arun Jaitley chu a hneh a ni.