Pakistan-in LoC-a buaina UN-ah thlen

Pakistan chuan India nena Line of Control-a ram pahnih sipaite inkahna thleng ṭhin chu United Nations-ah thlenin, buaina lian zawk a chhuah hmaa inrawlh turin a ngen.

UN-a Pakistan ambassador Maleeha Lodhi-i chuan nimin khan Deputy UN Secretary-General Jan Eliasson leh Chef de Cabinet of the Secretary-General Edmond Mulet-te hmuin, tunhnaia LoC-a boruak ṭha lo thleng fo chungchang a sawipui a, hei hian ram himna dinhmun thlenga a nghawng theih thu a sawi.

Lodhi-i chuan LoC-a boruak ṭha lo thleng fo chu India-in Kashmir-a mihring dikna chanvo a palzut ṭhin lak a, ramdangte rilru pawhpen a tumna niin sawi a, UN Department of Peace Keeping Operations chu LoC dinhmun thlithlai tura, United Nations Military Observer Group in India and Pakistan (UNMOGIP) boruak muanawm a awm theihna tura tir tura ngen a ni, a ti. Pakistan Army chuan LoC-a India sipaite nena an inkahnaah Nilaini khan sipai pathum a chan a, India-in Paksitna sipaiten India post an kap hmasa nia a sawi leh, LoC-a inbeihna thlengah Pakisan sipaiten India sipai pakhat lu an tansak nia a sawi chu thu dik lo a ni, a ti.