Telangana CM in sak man a to

Telangana Chief Minister K Chandrasekhar Rao official residence, Pragathi Bhavan chu Hyderabad khaw laili lai, Begumpat-ah sak a ni a, a sakna atan hian a tirah cheng vaibelchhe 35 ruahman ni mah se cheng vaibelchhe 50 dawn sen a ni. A in awmna ram hi square feet nuai khat chuanga zau a ni.

CM chenna inah hian tukverh darthlang pawh silai kahthlang theih loh, bullet-proof vek hman a ni a, in chhungah bathroom pawh bullet-proof-a siam a ni. In chhungah hian mi 250 len theihna theatre pawh dah a ni. Auditorium, conference hall leh mini-secretariat te dah tel a ni bawk.

Eptute chuan CM chenna tura in sakna atana sum tam tham hman a ni chu sawiselin, an state mipuiten sum lama harsatna nasa tak an tawh laia mipuite sum hmansakah an puh.

Telangana Chief Minister K Chandrasekhar Rao hi nimin khan Hyderabad-a a official residence tharah hian a insawn lut a ni.