India-Pakistan ramriah drone-a ruihhlo tawlh ruk tur man

Border Security Force (BSF) leh police thawk dun chuan nimin khan Jammu and Kashmr-a India leh Pakistan inrina, international border huam chhungah drone hmanga ruihhlo tawlh ruk an man.

Ruihhlo tawlh ruk an man hi heroin kg 5 a rit niin international market a Rs vbc 25 hu a ni tih official chuan an tarlang. R S Pura sector-a border outpost Jatinder bulah man a ni.

BSF thupuangtu chuan ruihhlo man hi intelligence aṭanga thu dawn an bawhzui aṭanga an man chhuah a nih thu sawiin, tun hma pawhin ram chhunga ruihhlo tawlh ruk tum chu an lo man fo tawh thu a sawi. BSF leh police thawk dun hian zing dar 6 aṭanga beihpui thlakin Pakistan aṭanga drone lo lut hi an hmu fuh niin BSF thupuangtu chuan a tarlang.

Border outpost Jatinder aṭanga ruihhlo man chungchangah hian police official-te chuan dan hrang hrang tlawhchhanin thubuai ziah luh a ni tih sawiin, chhui chianna zau zawk nei tura hma la nghalin ruihhlo hmuhna bawr vel hi dap zui a ni bawk.