India-in APAC-AIG meet thleng dawn

India chuan Asia Pacific huam chhunga thlawhtheihna chesual chhui hna thawktute intawh khawmna tur, Asia-Pacific Accident Investigation Group (APAC-AIG) meeting chu October 28-31, 2025 hian Delhi-ah a thleng dawn. APAC-AIG meet hi India-in a thlen vawi khatna tur niin, civil aviation minister K. Rammohan Naidu chuan vawiin hian meet hi a hawng ang.

Meeting hi Civil Aviation Ministry aiawh in Aircraft Accident Investigation Bureau (AAIB) in an kaihruai dawn a; International Civil Aviation Organisation (ICAO) Asia-Pacific huam chhunga member ram bakah international organisation hrang hrang an tel bawk ang. Meeting hi ICAO member ram APAC huamchhung a mi ten an thleng ṭhin a, thlawhtheihna chetsualna chhuitu 90 bawr an tel thei dawn niin official chuan an tarlang.

Group intawhkhawm hian a tum ber chu kawng hrang hranga thiam bikte'n an tawn hriat hrang hrang inhrilh hriat tawn a, chetsualna awm tawh aṭanga hriat tur pawimawh in hrilhhriat a ni. Hei bakah hian Asia-Pacific huam chhunga chetsualna thleng chhuina tihhmasawnna leh thawh hona tihchaknate a thlen theih beisei a ni bawk.