Eptuten ngaihdam dil turin PM phût

Eptu party-te chuan nimina Parliament inkhawmah, Prime Minister Narendra Modi-aín pawisa note tih thih chungchang sawiseltute chu sum chheprelh, black money thlawpa a puh avang≠in ngaihdam dil turin an phut.

Nimina Rajya Sabha inkhawm≠ah eptu MP-te chuan PM hi a thusawi avanga thupha chawi tura phutin, House laiah an chhuak hawm a ni. Hei bakah hian pawisa note tih thih chungchanga debate neihnaah PM chu tel turin an phut bawk. Eptu member-te au buai avangin rorel inkhawm hi tihtawp a ngaih phah a ni.

PM hian Parliament House Annexe-a thu a sawiah, ìHe thutlukna sawiseltu hi mi tlemte an ni. Mahse a sawisel tuten sorkar a inbuatsaih ṭha tawk lo nia an sawite hi an sawisel duhna chhan tak a ni lo. A chhan tak chu sorkar chuan anmahni lo inring lawk turin hun a pek loh vang zawk mai a niî, tiin sum chheprelh chu an thlawp vang zawk niin a sawi.

Eptute chuan nimina rorel inkhawm ṭan veleh PM thusawi hi sawichhuakin, ngaihdam dil turin an phut. PM chu sum chhepreltute chiang taka sawilang tur leh, Parliament inkhawma pawisa tih thih chung≠chang tun thlenga ala sawi duh loh chhan an zawt let a ni.