Hyderabad-ah DGP conference ṭan

Ni thum awh tur Directors-General of Police (DGP) Conference chu nimin khan Hyderabad-a Sardar Vallabhbhai Patel National Police Academy-ah ṭan a ni a, vawiin hian Prime Minister Narendra Modi-a’n thu a sawi ang.

DGP conference hi Intelligence Bureau-in a buatsaih a ni a, Union Home Minister Rajnath Singh-a’n a hawng a, National Security Advisor Ajit Doval, minister of state for home Kiren Rijiju leh Hansraj Gangram Ahir-te’n an telpui bawk.

Conference-ah hian state leh Union territory hrang hranga police hotute bakah, paramilitary force leh intelligence hotute an tel. Kumin conference thupui atan hian, ‘cross-border terrorism, radicalisaton and left-wing extremism’ hman a ni a, cyber crime leh police thuam chak dan chung­chang pawh sawiho a ni ang.