Mi 10-in Punjab-ah jail tang 5 tlanchhuah pui

Punjab-a Nabha Jail chu ralthuam keng mi 10-teín luhkhungin an bei a, jail-a tang mi panga an tlanchhuah pui a, an zingah hian Khalistan Liberation Force hotu Harminder Singh Mintoo pawh a tel.

Jail beitute hian police uniform an ha a, nimin zing dar 9.30 vel khan Chandigarh aṭanga km 100 vela hlaa awm, Nabha Jail hi an luhkhung a, silai pawh vawi tam tak an hmetpuak a ni.

Jail compound chhung≠ah car pahnih an khalh lut a, jail guard chu chem nen beiin jail chhungah hian a lut a ni. Misualte silai hmehpuaha hian police pahnihin hliam an tuar bawk. Tang zinga mi panga≠te chu an tlan≠chhuahpui a, an chhuahpui te hi Mintoo bakah Gurpreet Singh,Vicky Gondra, Nitin Deol leh Vikramjeet Singh Vicky-te an ni.

Khalistan Liberation Force hotu Mintoo hi firfiaka chetna kaihhnawiha thubuai 10 chuang nei lai a ni a, kum 2014 khan Delhi-a IGI Airport bulah Punjab Police-teín an man a ni. Kum 2008-a Sirsa-a Dera Sacha Sauda hotu Gurmeet Ram Rahim Singh beihnaah pawh inhnamhnawiha puh a ni. Pakistan ISI nen pawh inzawmna neia puh a ni bawk.

Jail beih a nih hnu hian state jail police officer incharge chu suspend a ni a, Nabha Jail Superintendent leh Deputy Superintendent-te ban nghal an ni bawk. Jail beitu leh tang tlanchhuakte man tumin Punjab Police-te chuan beihpui an thlak nghal a,
ṭhenawm state Haryana leh Himachal Pradesh pawh fimkhur tura hriattir an ni.

Punjab Deputy Chief Minister Sukhbir Badal chuan, jail beih a nih dan chhui chiang tur hian special task force din a nih thu a sawi a, ëMisualte chu kan man ngei dawn a ni. He thila mawhphurtute chu na taka hrem an ni angî a ti.

Sorkar laipui chuan jail beih a nih chungchangah hian thil thlen dan report kimchang pe turin Punjab sorkar a hriattir nghal. Union Home Secretary Rajiv Mehrishi chuan Punjab DGP biain, state chhung jail hrang hrangah venhimna a ṭha tawk em tih enfiah turin a ti.