Post Office-ah Rs vbch 32,631 dah lut tawh

Sorkar laipuiin pawisa note sang pahnih a tih thih hnuah ramchhung hmun hrang hrang post office-a pawisa deposit chu cheng vaibelchhe 32,631 a tling tawh.

Post office-ah hian November 10-24 chhung khan pawisa note hlui cheng vaibelchhe 3,680 thleng a ni tawh niin Department of Posts Secrtary BV Su≠dhakar chuan a sawi.

Ram pumah post office nuai 1.55 vel a awm a, heng zinga nuai 1.30 chu rural area-a awm niin, urban leh semi-urban area-ah 25,000 a awm. Post office hrang hrangte hian pawisa note tih thih vanga mipuite harsatna sukiang turin an thawk mek tih Sudhakar chuan a tarlang. Post savings account nei lote pawh, identity card hmangin pawisa note hlui hi an thlen phalsak a ni.