Vijay Mallya private jet lilam dawn

Bank hrang hranga loan tam tham tak batsaktu, Vijay Mallya-a private jet chu November 28-29 hian Service Tax Department chuan a lilam sak dawn.

Lilam hi E-auction in MSTC-in a buaipui dawn a ni. Service Tax Department chuan private jet lilam tur hi cheng vaibelchhe 152 in a chhiar ṭan a, mahse leitu an awm loh avangin Bombay High Court chuan ennawn a, a man tihniam turin a hrilh a ni. Mahse department official-te chuan a man tihhniam hi an duh lo. Hemi hma hian ṭum hnih e-auction hi neih a ni tawh a, an chhiar anga ngamtu an la awm lo. Chhangtu an neih sang ber chuan cheng vaibelchhe 27 in a ngam chauh a ni.