Nitish-a’n zu telloa awm thei lote chu Bihar chhuahsan turin a ti

Bihar Chief Minister Nitish Kumar chuan an state-a zu khapna dan an hman mek chu khauh taka kalpui a ni zel dawn a, ngaihtuah ṭhat a ni dawn lo tih a sawi.

Kar kalta Inrinni-a Patna-a Prohibition Day hmannaah thu sawiin, Nitish Kumar chuan zu khapna hman mek chu tinep tura nawrna a tawng nasa hle tih a sawi a, mahse siam-
ṭhat a tum lo tih a sawi. ìChhuanlam hrang hrang hmangin min nawr mah se, zu khapna dan siamṭhat hi ka tum loî, a ti.

Bihar state-a cheng, zu in loa awm thei lote chu state chhuahsan a, hmun dangah inbengbel mai turin a ti bawk. Nitish chuan zu khap chu khawtlang nu siamṭhatna tura innghahna bul pawimawh tak a ni tiin, khapna dan siam hi tihdanglam tumna a awm loh thu a sawi. Police department official-te pawh zu khapna dan hi khauh taka kengkawh turin a ngen.

Nitish Kumar chuan zu khapna dan hman a nih hmaa zu zuar leh, zu hmanga sumdawngte chu ngun taka thlithlai zui zel turin police-te a hrilh. Zu zawrh khap a nih hnuah eng ang sumdawnna nge an kalpui tih hriat zui zel chu a pawimawh hle niin a sawi bawk.