JNU-in zirlai 20 hriattirna pe

Jawarharlal Nehru University (JNU) chuan zirlai 20 hnenah varsity building chhung a, Vice Chancellor leh official dangte dan loa an hren avangin insawifiah turin hriattirna a pe.

Hriattirna pek zingah hian ram dodala zawnga thusawia puha thubuai lo siamsak tawh, JNU zirlai hruaitu Kanhaiya Kumar leh Umar Khalid-te pawh an tel.

October thla khan zirlai
ṭhenkhat chuan zirlai pakhat chin hriat loha bo, Najeeb Ahmad awmna chhui kawnga thawk ṭha tawk lohah puhin VC leh senior official-te chu administrative building-ah darkar 20 chhung kalchhuak thei loin an hreng a ni.

Uttar Pradesh state mi, Najeeb Ahmad (27) hi JNU-a School of Biotechnology zirlai a ni a, campus chhunga ABVP member-te nena an inhnial buai tuk, October 15 aṭang khan a awmna chin hriat lohin a bo a ni. Najeeb awmna chin an chhui chhuah theih loh avangin JNU zirlai leh zirtirtute chuan university thuneitute leh Delhi Police-te lakah an lungawi lohna pawh an lantir tawh a ni.

Zirlaiten an nawrna avang≠in Union Home Minister Rajnath Singh chuan Delhi Police Commissioner Alok Kumar Verma hnenah zirlai bo zawn hna thawk turin Special Investigation Team din turin a lo hrilh tawh a ni.

University panel chuan October 14 zana thil thleng a chhuinaah, ABVP member-te chuan Najeeb hi kut an thlak ngei tih a sawi a, mahse tun thlengin kut thlaktute chungah hian action lak a la ni lo.