Sipai hman tur bik 'Satellite' kap chhuak dawn

Indian Space Research Organisation (ISRO) chuan sipai huang hrang hrang te'n inbiak pawhna atana hman tur bik, satellite CMS-03 chu November 2 khian kah chhuah a nih tur thu an puang. Satellite hi Sriharikota-a Satish Dhawan Space Centre aṭangin Launch Vehicle Mark 3 (LVM3) hmanga kah chhuah a ni ang.

CMS-03 hi GSAT-7R tia sawi bawk niin multi-band communication satellite a ni a, tuipui huam chhung zau tak bakah, India khawmual huam chhunga hman theih a ni dawn a ni. Kg 4400 a rit niin Geosynchronous Transfer Orbit (GTO) hel kual tura communication satellite kah chhuah rit ber tur a ni bawk.

LVM3 rocket hi kum hnih hnua kah chhuah leh hmasak ber tur niin, kum 2023 khan Chandrayaan-3 mission, thla leilung south pole-a in kah kai na atan hman a lo ni tawh a ni. Kum hnih hnuah CMS-03 hi kah chhuah a ni leh thei dawn ta a ni.