Rajasthan-ah sorkar leh private sikul ten uniform in ang nei dawn

Rajasthan Education Department chuan, state chhunga sorkar leh private sikulte chu uniform in ang vek neih tir a nih tur thu a puang. Education minister Madan Dilwar chuan sikul hriat hran a nih theih nan necktie erawh a hrang hman a nih tur thu a sawi.

In tluktlanna kalpui a nih theihna tur hian zirtirtute pawhin uniform leh ID an nei dawn a, hetiang bawk hian zirlai tan pawh ID chu neih ngei tura tih a ni bawk. Dilawar chuan heng hmalaknate hi sorkar leh private sikul kalphung inkar zau tak awm tih ziaawmna tur a nih thu a sawi lang bawk.

Zirlai naupangte attendance pawh nu leh pa te'n awlsam taka an en theihna turin digital monitoring kalpui a ni dawn a, nu leh pate chuan Shala Darpan portal hmangin an fate attendance chu an dawng nghal zel thei tawh dawn a ni. Zirlai an kal lo a nih chuan automatic-in an chhungte number ziah luhah a inthawn nghal zel ang.

Dilwara chuan he system hi hman tura peihfel a nih tawh thu leh, sikul in relbawlna langtlang, him leh hriat awlsamna tura ruahman a nih thu a sawi.