CAB putluh hunah BJP MP-te awm turin hriattir

Defence minister Rajnath Singh chuan karleha union home minister Amit Shah-a'n Parliament-a Citizenship (Amendment) Bill a putluh hunah BJP MP-te chu House inkhawm ṭhulh lo turin a hriattir. 

Nimina BJP MP-te nena meeting an neihah, Defence Minister chuan CAB chu Jammu and Kashmir special status pekna tihtawp tak, Article 370 tluk bawka pawimawh a nih thu sawiin, House-a pharh a nih hunah BJP MP-te chu an awm tur a ni, a ti. Prime minister Narendra Modi chuan MP ten rorel inkhawm an ṭhulh fo chu a lawm lo hle tih a sawi bawk. 

Meeting-ah hian PM Modi hi tel lo mah se, a thuchah erawh Defence Minister hian an party MP-te hi a hrilh a ni. Parliamentary Affairs Minis­ter Prahlad Patel pawhin bill pawimawh tak tak ngaihtuah tur a inchhawp chhoh avangin MP-te chu rorel inkhawm ngai pawimawh hle turin a ti bawk. Eptu party-ten CAB an sawi­sel chungchang chhang letin, Rajnath Singh chuan BJP chu  ram leh mipui inpumkhatna turin theihtawpin a thawk a ni, a ti.