Cheng 2,000 note tihtawp ngaihtuah a ni lo: Sorkar

Tunhnaia cheng 2,000 note  tihtawp a nih tur thu sawi awm mah se, sorkar laipui chuan nimin khan tihtawp tumin ngaih­tuahna an la seng lo tih a sawi.

Rajya Sabha-a zawhna chhangin minister of state for finance, Anurag Thakur chuan 2,000 note tihtawp tumna a awm lo tih a sawi. Unaccounted cash an mana cheng sanghnih note awm zat erawh lang thei khawpin a thle tih a sawi a ni.

Minister chuan 2017-18 khan unaccounted cash an man zinga cheng sanghnih note awm zat chu 68% a ni tih sawiin, 2018-19 kha chuan 66% a ni tawh tih a sawi. Tun financial year hman mekah hi chuan 43% chiah a ni tawh tih sawiin, a tlakhniam ve zel thu a sawi bawk. 

Kumin March thla thleng khan pawisa lengvak 31% chu cheng sang­hnih note a nih thu a sawi a ni.