Tri-service 'Trishul 2025' nei ṭan

Indian Army, Indian Navy leh Indian Air Force-te chuan nimin aṭang khan Tri-Services Exercise (TSE-2025) “Trishul”an nei ṭan. He excerise hi Headquarters Western Naval Command ruahmannaa neih a ni a, Rajasthan leh Gujarat bakah Arabian Sea hmar lamah neih a ni bawk ang.

'Trishul 2025' ah hian Army Southern Command, Western Naval Command, leh South Western Air Command an tel a; anni bakah Indian Coast Guard, Border Security Force leh central agency dangte an tel ve bawk. He hun hi service hrang hrangten thawh hona tihchakna atan leh, beihpui thlak hna kalpuinaa thawh hona ṭha an neih theihna tur atana tih a ni. Exercise-ah hian tuipui lama beihpui thlak dante zir ho a ni bawk ang. Intelligence, Surveillance and Reconnaissance (ISR), Electronic Warfare (EW), leh Cyber Warfare operation te an thlurbing deuh bik dawn a ni.

Exercise-ah hian ramchhung siam defence system-te hman a ni dawn a, hei hi security system lama intodelhna tur, Aatmanirbhar Bharat hmalakna tarlanna tur a ni nghal bawk ang.