State 12 in sum semna scheme aṭangin Rs vbc nuai 1.68 hmang

PRS Legislative research in kum thum liam ta chhunga ram chhunga zirchianna a neih aṭangin, kum 2025-26 chhungin state 12 in hmeichhiate sum hmanga puihna a pek ṭhin unconditional cash transfer (UCT) scheme aṭangin Rs vbc nuai 1.68 an sem chhuak tih a tarlang.

Hmeichhe dawmkanna tur atana sum sem hi kum thum liam ta aṭanga intihhmuh ṭan niin an tarlang. Hemi rual hian sum hmanga puihna pe chhuak state zinga paruk chuan sorkar kum kal mekah sum indaih lohna an tawk tih a tarlang bawk. Sum sem hi hmeichhe hamṭhatna tur leh chhungkaw rethei zualte dawmkanna tura thla tina pek chhuah an ni. Kum 2022-23 khan state pahnihin kalpui ṭanin kum 2025-26 ah chuan 12-ah a pung hman a ni.

Reserve Bank of India(RBI) chuan heng subsidies leh hmeichia, ṭhalai leh loneitute puala a thlawna sum sen hian sum indaih lohna a thlen nasa thei tih a sawi a, sorkar sum hman ral tihtlem a nih theihna turin sum sem ṭhin pawh tihtlem chu a ṭul niin an tarlang.