J&K-ah firfiak pawl leh sipai inkap

Jammu and Kashmir-a Kishtwar district huam chhungah nimin khan firfiak pawl ni ngeia hriat leh security force an inkap tih official-te chuan an sawi. J&K police, Indian Army leh Central Reserve Police Force (CRPF) thawk ho chuan intelligence aṭanga thu an dawn bawhzuiin Chhatru area-ah beihpui an thlak a, inkahna hi a thleng zui niin official lam chuan an tarlang.

Beihpui thlakna hi nimin zing lamah khan kalpui niin security force-te chu firfiak pawl lam hian an lo kap a, force lam hian an chhanglet ve nghal a ni. Operation neih hi chanchin buatsaih lai thleng hian kalpui chhunzawm a la ni.

Kishtwar huam chhungah hian tun hnai thla sarih liamta chhungin Pakistan aṭanga lut firfiak biru dapchhuah hna kalpuinaah vawi ruk inkahna a thlenna a ni. Nimina an inkahna huam chhungah hian drone leh UAV hmangin firfiak pawl che tla an awm leh awm loh thlithlai zui reng a ni. Inbeihna thlenna Chhatru ram ngawah hian firfiak pawl chevel chu ṭum eng emaw zat report a lo ni tawh ṭhin bawk.