Census kalpuina tur mobile app pahnih tlangzarh

Registrar General and Census Commissioner of India chuan ram chhunga chhiarpui neihna tur atana hman tur mobile application pahnih an tlangzarh. Hmalakna thar kalpui tur hi India-a digital hmanga chhiarpui neihna hmasa ber tur niin, enchhinna kalpui phawt tura tih a ni. App hi authorised personnel tan download theiha dah a ni tawh.

Census 2027 kalpuina tur hian pre-test thawh khatna chu House Listing and Housing Operations (HLO) hmanga kalpui tum ni a, hemi huangah hian zawhna 30 awmin, in leh lo chungchang kimchang hriat theihna tura ruahman a ni. HLO kalpuina hi November 10-30 chhung ram chhung hmun thlan bikah neih a ni ang.

Data lakkhawm hna thawk tur sorkar hnathawk hrang hrangte chu training pek an ni tawh bawk. Self-enumeration portal hi November 1-7 chhung enchhin tura hman theih a ni dawn a, houselisting leh population enumeration kalpui hi kum 2026, April 1 aṭanga 2027, February 28 chhunga zawh fel hman tum a ni.