SC-in Chidambaram bail dilna pawm

Supreme Court chuan nimin khan Enforcement Direc­torate (ED)-in case an siamsak chung­chang zawka union finance minister hlui P Chidambaram bail dilna chu a pawmsak.

P Chidambaram hi INX Media case avangin thubuai siam­sak a ni a, he case hi Central Bureau of Investigation (CBI) in an chhui bakah, Enforcement Directorate chuan a chhui zui leh bawk a ni. Supreme Court hian October thla tawp khan P Chidambaram-an CBI-in INX Media case a siamsaka bail a dilna chu a lo phalsak tawh bawk. CBI thubuai siamsaka bail dilna hi phalsak ni mah se, Enforcement Directorate chuan INX media case-ah vek a chhui avangin ED kutah a la awm chhunzawm a ni. SC-in a bail dilna a pawm ve leh tak avangin nimin khan chhuah a ni ta a ni. 

CBI chuan Chidambaram lakah hian union finance minister a nih laia INX Media hnena Foreign Investment Promotion Board (FIPB) clearance pek a nih danah, a thuneihna dik lo taka hmanga puhin thubuai August 21 khan a ziaklut a ni. September 5 khan Tihar Jail dah a ni a, October thla tir khan ED custody-ah dah chhunzawm a ni.

Court chuan kum 74 mi Chi­dam­baram chu thu zawhfiah tura koh huna inlan thei zel tura a tih bakah, cheng maktaduai 2 intiamkamna bond ziak turin a ti bawk.