UP-a zirna inah 'Vande Mataram' sa ziah dawn : CM

Uttar Pradesh chief minister Yogi Adityanath chuan an state chhunga zirna in zawng zawngah national song, 'Vande Mataram' chu sak tir ziah an ni dawn tih nimin khan a sawi.

Gorakhpur-a 'Ekta Yatra' (Unity March) hmannaah CM chuan hei hi sawiin, national song chu ngaihhlut leh zah a ngai tih a sawi a, hei vang hian Uttar Pradesh-a school, college leh zirna in dang zawng zawngah pawh sak tir ziah an ni dawn a ni, a ti.

CM Adityanath chuan All-India Muslim League hruaitu Mohammad Ali Jinah leh Mohammad Ali Jauhar te chu sawisel nghalin, 'Vande Mataram' dodal chu India inpumkhatna leh inlungrualna zahpah lotu an ni, a ti. India rama cheng tupawh chu lungrual taka awm a, ram tana rinawm taka thawk tura beisei an ni tih a sawi.