PM Modi Bhutan-ah a zin

Prime minister Narendra Modi chu nimin khan ni hnih cham turin Bhutan a thleng, PM Modi hian Bhutan lal palina, Jigme Singye Wangchuck pianchampha vawi 70-na lawmna a hmanpui nghal dawn a ni. PM hian a cham chhungin Bhutan lal Wangchuck leh Prime minister Tshering Tobgay a kawm ang.

PM Modi hian Bhutan lal Wangchuk nen hian India leh Bhutan thawh dunna hnuaia siam, 1020-megawatt Punatsangchhu-II hydroelectric project an hawng dun dawn a ni. Hemi hnu hian Bhutan lal piancham lawmnaah hian hun a hmang nghal dawn a ni. PM hian India aṭanga Lord Buddha thil hlu Piprahwa relics sawn tur a keng tel nghal bawk.

India leh Bhutan hian inṭhianṭha tak leh thawh dunna nghet tak nei an ni a; inrin tawnna, inhriatthiamna leh induhsakna ṭha an nei tih PM Modi chuan a sawi. Tun ṭuma a zin pawh hian ram pahnihte inlaichinnaah chakna leh phurna thar a siam phah ngei dawn a ni, a ti.